電車1

今日放工,搭左樣我最鍾意既交通工具返屋企--舊式電車

我所謂既舊式電車,係用鎢絲燈膽,往上層樓梯係o係左邊果隻.o係中學之後搭呢款電車既次數我諗十隻手指都數得晒,如果係夜晚搭既話可能係第一次添.開住橙黃色既鎢絲燈,個感覺比起日頭搭更加正.

呢款電車仲有幾樣特別既地方,除左條樓梯變左o係左邊之外,樓梯既下面仲有個位,大約坐到一個人.坐o係果個位既感覺應該幾得意,不過我就冇坐到,驚頂到頭.

上層既後排坐位並唔係面對面,而係全部都面向前面.不過最正都係d料.鐵架+木+藤網,正過膠椅太多.d窗,下層既椅都充滿舊式風味.仲有個"手搞車太盤",真係電車男最愛.可惜我冇帶相機,下次再可以o係夜晚又唔多人既情況下搭呢款電車唔知會係幾時...

有幸住o係港島,有比較多既機會接觸電車.我係好鐘意搭電車,一來因為平,二來我好鍾意坐上層既單人位,托住隻手咁望街.可能因為行得慢,我覺得個人好relax,好舒服.當然搭電車都有好多麻煩野,班次既問題有時會勁逼,夏天搭可能會好熱.其實凡事都係有好有壞,只要你識得去發掘佢出色既地方,自然會搵到樂趣.

慾火談心,食屎啦

最討厭動物:狗公